Maureen van de Kruijs
&
Joeri Gielen

Spoeëkejaegers Jeugdprinsepaar 2012
 
Joeri es unne zoeën van Peter en Annie Gielen,
es 11 jaor en zitj in groep 8 van basissjool  Sint Laurentius in Swartbrook.
Hae heef ein aojer zuster Kim. Joeri zien hobbies zeen voetballe, zinge,
piano speule, boete speule,  computere, wieën, televisie kieke, stoôke en kaarte.
Hae es unne echte knuffelaar en kroeptj gaer biej mam(soms pap) oppe  sjoeët
en laotj zich dan massere.
Hae deut gaer spellekes, zoals barricade, skibbo, kaarten, puzzels(sudoko) maake.
En de kamer gezellig maake met völ kerse en dan saame tillevisie kieke.
Zien lievelings aete es puree met spinazi en vissticks en ut lekkerste van de visstick es de boetekantj.
Auch erwte in saté-saus vindtj hae lekker.
Hae lusjt gein spruutjes, witlof en bloômkool.


Maureen es un dochter van Antoine en Jolanda van de Kruijs,
es auch 11 jaor en zitj auch in groep 8 van basissjool Sint Laurentius in Swartbrook.
Hèt heef ein aojer zuster Anne die 2 jaor geleeje auch jeugdprinses waas van de Spoeëkejaegers.
Verder heef ze nog eine aojere broor Wim en ein jonger zöster Nina.
De hobbies van Maureen zeen peardrieje, zinge, piano speule
en hutte bouwe met stroeëj/hoeëj of boete met hout en laakes enz.
Maureen deut al vanaaf det ze 1 jaor waas met, met de buurt met de optocht,
mer dit jaor nateurlik neet want dan stiet ze oppe jeugdprinsewaage.
Ut lievelings aete van Maureen is vleis, lasangja, tomaatesop en piza.

S: Wae, Jeugdprins Joeri en Jeugdprinses Maureen regére beej de gratie van alle
groeëte en  klein wichter van Swartbrook.

J: Ich bin de wieëjendje Wibi van de Kapellestraot en verzamelaar van alle spulle
die beej Wieger  oet de waage valle.

M: Ich bin de Hutje oppe Hei bouwer van de Ittervoorterweeg en de einigste
echte hui-j mijt  van het sjiêtböske en het skippy paradiês.

S: Doon uch wete det:

J: Ich de meist vingervlotte toetsenist en joôngste spoeëk bin van
Annie van Lei van Casper en An  van Jêuke Piet
en Peter van Teun van Nuie en Mia van Zevers Pier.

M: Ich wiedeweg de verstèndjigste en minst hortige telg bin van
Antoine van Tjeuke van Verborg  en Annie van Nies Antoon en
Jolanda van Wiel Nôw Injer en Mia van Bruls Lies.

J: Ich heb éin zöster, Kim, woeë ich nog waal ins met inne laaj en met inne clinch lik.

M: Beej os hebbe we auch nog en paar kriele, Anne en Nina en ein hieël klein haenke,..... Wimke.

J: Wetse waat gek is Maureen, ich heb eine hekel om nao de stad te gaon,
mer wie ich 4 jaor  geleeje weg leep van hoeës, leep ich...... nao de stad haer.

M: Jeh, wetse waat bie mich gek is Joeri, ich ging nao eine rommelmerktj om al mieën
te völ aan  spulle te verkaupe en ich kwaom met nog eine groeëtere haup trök.

J: Ich sjaam mich kapot om 't te zegge, mer os pap werktj beej de belasting.

M: Dan deut os pap het baeter. Dae heet kalkoene, hinne, opfokpölle
en veer wichter, det is pas  ein belasting.

J: Os mam löptj zich de bein onger de vot oet beej ut St. Maartenshoeës en thoeës
is het weer  dezelfdje ellendje met os pap. Het blieftj doorpeze.

M: Os mam werktj zich auch de rök kroomp, 't zweel oppe henj en ‘t zweit oppe kop.
Mer ze leutj  zich neet mieër opfokke,
die heet mieër haane vanne puuët aaf zeen gaon.

J: Zinge en muziek zeen mieën lust en mieën laeve en om tot röst te kome,
bin ich beej de voet- balclub.

M: Met paerdrieje bin ich de röst zelf.  De lèstigste hingst krieeg ich nog zadel mak.
Det zoeë mich  later nog goôt van pas kinne kome zag os mam.

J: Mer het leefste van alles deej ich stooke met opa Lei en ich weit zeker det hae daobove ut vuurke waal opraokeltj.

M: Zèk Joeri, bis dich met voetballe zoeë eine vinnige,
want ich huur det ze dich de witte  tornado neume.

J: Det is neet symphatiek, dich bis mieër eine storm in ein glaas water,
typisch vröllu-j.

M: Waat its dich eigelik, detse d'r zoeë sterk en gespiêrtj oet zuus ?

J: Nae dich dan, dich kins dich ouch oet de weentj haoje achter eine wei-j paol.

M: Ich wil now neet gaon mauwe, want miên vriendinne neume mich mauwmauw

J: Ich heit Joeri, mer Theu, Sjoerd en Jan huur ich net zoee dek.

M: As we os nôw bie-ein pakdje en oetsjeidje met vreike.

J: Jaozeker, dan konne wae völ mieër bereike.

S: Wae hebbe ingesteldj, de orde van ut
"zingendj pianospeulerke"
en gaon dit jaor veurop  onger os devies:
   
 Hebtj gae zin om te fieëste, volgtj dan dees podium bieëste
Alaaf !