Proklemasie van Jeugdprins Gijs 1e, 2024

​

Ich, Jeugdprins Gijs, regeer bee-j de gratie van alle groeëte en klein wichter van Swartbrook

Ich bin de zoon van Bas van Piet vanne bekker oet Braobentjs Rooj, en Joke oet Son, zônger Breugel en van Wendy van Harie van Peymen Christ en Sjoteles Lieën oet Limburgs Rooj en van Gerda van Trumperte Mieke oet Bieësel

​

Ich woeën op de Coolestraot in ut aoje hoeës van Pierre van Casper. Det deej mich dinke aan Casper ut Spoeëk en zoeë bin ich besmètj geraaktj door ut Spoeëkevirus!

Ich bin ut jôngste breurke van Tim en Koen en veurig jaor heb ich alles aaf kinne kieke van Koen. Hae heet ut geweldjig gedaon als jeugdpreens, mér ich gaon der op….. en der euver! Ich heb ôngerhandj un platte tong van al dèt oefene mèt plat kalle!

​

Doon uch wete dèt;

1. Ich heb gein jeugdprinses. Wae, bee-j van Aarle, zeen un echt mannegezin: Ich sjaer mich neet, ruum niks op, maak alles vêttig en roop nao ôs mam of ut aete al klaor is!

2. Ich bin jaorig op 2 fibberwari. Ich nuuëdig uch allemaol oet op zeundjig 4 fibberwari om det same met mich te veere. Dan heet de groeëte Prins teminste auch get bezeuk!

3. Ich kan absoluut neet tegen kietele. Als mich eemes met de vaere ônger de naas kieteltj dan waer ich gek.

4. Ich zit op breakdance, speul gaer met Lego en ruum niks op. Bee-j Heijmans oppe zölder braektj Ingrid bekans de nek euver de Lego dae dao liktj als ze deut oppasse.

5. Mien lievelingsdier is un hamster. De ieërste hèdje Snoepje, de twieëdje hèdje Snoepje en de derdje hètj auch Snoepje. Ich haoj waal van un snuikske en hamstere !

6. Later als ich groeët bin wil ich gaer kapitein waere. Wie ich de Titanic zoog, haaj ich nog mer ein dink inne kop……….trouwe met Rose!

7. Ich heb gaer werm gerei-j aan mien lieëf; fleece, flanel of geveurdje sök. Daorom wil ich als ich iets groeëter bin, gaer bee-j de Hêldje op Zök. Mèr van truie mot ich niks hebbe, alhoewel Frank geine verkieërdje is!

8. Ich laot euveral alles ligge. Dèt weurdj unne gevaorlikke met de scepter. Dèt kan mich nog waal ins un paar kratte Sinas koste.

9. Dèt non-de-dju-ke steit mich herstikke goôd. Ich veul mich net James Bond! Hey, ich bin van Aarle…………….Gijs van Aarle.

10. Auch ich heb de Vastelaovundj-gene van opa Piet geërfdj. Waat zoeëj der gruûëts zeen op twieë kleinkinjer als Jeugdpreens van de Spoeëkejaegers!

11. Mèr noeë staon ich te trappelle van ongedöldj en wil ich der hieël gaer aan beginne. Ich heb de orde van ut “Braekendj Blökske” ingestèldj, en det alles onger mien devies:

​

“Breakdance en Lego aan de kantj

Om te fieëste in ut Spoeëkelandj!”

​

Alaaf!

​