Vastelaovundj deênsdig 2025
Veur vastelaovundj deênsdig steit op de planning: Optocht / Spoeëke verjaage / Abdicatie prinsepaare
Geschiedenis
Al veur ut ontstaon van de Spoeëkejaegers trektj d’r met vastelaovundj unne optocht door de straote van Swartbrook. Toen georganiseertj door ut aojer-comité vanne sjool.
Door de inzet van ut noowe bestuur in 1983 kreeg de vereiniging en daomet ouch de optocht mieër kleur.
In det jaor deeje 2 einlinge, 5 klein groepe, 6 groeëte groepe en 3 groeëte wages met aanne optocht. De 1e priês ging nao de groeëte wagen met as thema “Wae slope St. Louis” van v.v De Slopers.
De jaore daonao kreeg de optocht nog mieër aanzeen en steeds mieër deilnummers. Van 16 nummers nao 21, nao 25 en as top 26 nummers in 1988. Heejnao bleef ut jaore tösse de 20 en 23 nummers.
Tegenwoordig, vanaaf 2020, kome wae neet mieër aan de 15 nummers.
De start vanne optocht is al vanaaf ut begin biej Mies van Nolle aan de Venboordstraot (thans is det beej Frank en Inge).
Net as in de meiste dörpe is d’r in de jaore 2020 en 2021 door de Coronacrisis geine optocht door Swartbrook getrokke.
Un onperti-jigge jury beoordaeldj de boôntje stoet, dae eeder jaor weer vul bekiêks heet.
D’r waertj beoordaeldj op: De klei-jer, ut Vastelaovundj-egtigge, de Oetbieëldjing en ut Thema.
Sinds 1983 es d’r Prieëzegeldj vur de volgendje kattegeri-je:
- Einlinge
- Duo's
- Klein groepe ( tot 6 persoene )
- Groeëte groepe ( vanaaf 6 persoene )
- Klein waages
- Groeëte waages
Ouch is d’r eeder jaor unne wisselbeeker veûr de bèste van allemaol!
De groeëte groep jongens en maegdjes van v.v. de Hêldje op Zök hebbe deeze wisselbeker 3 jaor achterein (2017, 2018 en 2019) gewonne en mochte toen de wisselbeker haoje.
In ut begin bestong de jury oet: Kees Wattel, Mevr. van Teeffelen, Harry Steeghs, Twan Ramaekers, Truus van Geneijgen en Peter Jetten.
In 2005 waas Peter Jetten 3x11 jaor jurylid. Hae heet dit volgehaoje tot 2020, dus 48 jaor. Det is nog us unne volhaojer.
Ouch Truus van Geneijgen, Harry Steeghs, Marij Jacobs en Frank Lamerikx hebbe hieël völ jaore de optocht gejureerdj.
De huidige juryleden zeen:
- Anke Jacobs
- Hennie van Eerd
- Harry Coolen
Veur ut aanvraoge van de vergunning en ut verder in gooj baane leî-je van de optocht is d’r netuurlik ouch ein optochtcommissie binne de vereiniging.
Dees commissie zörgtj d’r ouch veur det nao de optocht ut Swartbrooker-Spoeëk, waat veur ut prinsenbal gevange weurtj, zich tösse de vastelaovundjveerendje minse begaeftj in ut Spoeëkepeliês en d’r saame een groeët fieëst van maaktj. Op vastelaovundj-dinsdig om 8 oor ’s aoves weurtj ut spoeëk saame met alle vastelaovundjveerders, groeët en klein, weer trök de Krang in gejaagtj.
Ut langstzittendje optochtcomissielid is Mart van Eerd, van 1984 t/m 2017.
Ouch Wilbert Geelen, Cas Beelen en Johan Bongers hebbe völ jaore d’r veur gezörgdj det de optocht gladjes verleep.
De huidige optochtcommissieleden zeen:
- Stefan Kessels
- Peter Gielen
- Bas van Aarle
- Mark Vaes
Optocht 2024
De optocht tréktj weer op vastelaovundj dinsdig (13 fibberwaarie 2024).
As gae weer ein idee hebtj, dootj dan zeker weer mét, zoeëdet ut ouch dit jaor unne gezéllige boel weurtj in ut spoeëkelandj.
Wannieër gae mét wiltj doon, dan kintj gae uch opgaeve door ongerstaondj liêsje in te völle, en aaf te gaeve beej:
- Peter Gielen Kapellestraat 11
- Stefan Kessels, Cornelisplein 8
- Of gae steurtj unne mail nao: stefankessels@home.nl
Gaeftj uch op veûr vastelaovundjzaoterdig 10 fibberwaarie 17.00u!
De groepe en/of waages waere op dinsdig veûr de middig gekeurdj en dan kriegtj gae ouch un nummer.
De optocht weurtj weer door ein deskundige jury beoordeiltj.
De priêsoetreiking zal neteurlik weer in ut spoeëkepeliês MFA Corneel plaats vindje.
’s Aoves om 20.00 oor, weurtj het spoeëk weer trök de Krang in gejaagdj.
Route van de Optocht:
Opstelle oppe venboordstraot om half 2, de optocht vertrektj om 2 oor vanaaf de venboordstraot en dan verder via de Pelmersheideweég – Rectorijstraot – Genovevastraot – Bertiliastraot – Ittervoorterweég - Coolenstraot - Eutropiastraot– Genovevastraot – nao de Bertiliastraot dao zal de optocht eindige aan ut spoeëkepelies
Heej kintj gae t aanmeldformulier downloade en zoeë mekkelik door te steure:
