Boôntje Aovundj 2025
14 en 15 fibberwarie
De Boôntje Aovundj van 2024 vingtj plaats op vriêdig 26 jannewarie en zaoterdig 27 jannewarie!
Nog gein kaertje veur de boôntje aovundj? Waat een gelök! Deze zeen voor beide aovundje nog te verkrieëgen beej Eetcafé Bî-j Sanne veur 12,50 euro per stök (contant). D'r zeen zitplaatse en staonplaatse.
Wae hoope uch gaer te mooge verwelkomen!
De ieërste Boôntje Aovundje van Swartbrook weardje nog veur ut ontstoan van de Spoeëkejaegers georganiseerdj inne zaal beej de Broeders oppe Ittervoorterweeg.
De doelstelling is al sinds ut ieërste jaor: Veur en door eige vôllek!
Minse van Swartbrook zoônger plankekoorts maake zellef un stukske, leedje of get anges um det tieëdes de Boôntje Aovundj te loate kieke of huure aan de rest van ut dörp. Zoeë is de Boôntje Aovundj eeder jaor weer verrassendj anges!
Boôntje Aovundj Archief
Boôntje Aovundj archief is heej te vinje!
Boôntje Aovundj van vreuger en noow
Den Boôntje Aovundj is neet eweg te dînke inne rieëke gesjiedenis vanne Swartbrooker vastelaovundj. Wisj gae dèt den ieërste Boôntje Aovundje al waerdje gehaoje noch veur de Spoeëkejaegers ut laevesleecht haaje gezeên?
Diej waerdje toen gehaoje in ut pensionaat vanne Broeders aane Ittervoorterweêg.
Oeteîndelik belândje de Boôntje Aovundj in 1976 oppe plânke beej Zaal Derckx.
De Bünhe bestong oet kisjes, gelieëndje gerdieëne en zwarte plestic, mèr doôr de jaore haer waerdje alles professioneler!
Der kwaam un demontabele bünhe mit eîge gerdieëne en un gesjilderdje decor deuk diej wae now noch gebroeëke.
De kracht vanne Swartbrooker Boôntje Aovundj és dèt der nao al diej jaore noch altieëd door Swartbrooker mînse waertj opgeveurtj!
Zônger eêmes te kort te doôn mót gezâchtj waere dèt Lei van Caspar un groeëte rol van beteînkenis heet vervultj veur den Swartbrooker Boôntje Aovundj.
Ôngertusse valtj de Boôntje Aovundj commissie ônger ut bestuur vanne Spoeëkejaegers en zeên ze auch bekîntj ônger den naam BAC.
Ut BAC kan op vandaâg gebroeëk maâke van un sjitterendje Bünhe mit boôvebouw en alle wiejer noch benueëdigdje faciliteiten.
Mèr ut belângrieëkste és dèt ze noch altieëd gebroeëk kînne maâke van unne enthousiaste groep Swartbrooker artieste!
Joônk en aot steît eeder jaor weer mit völ lôl en plezeêr oppe bünhe um veur uch weer twieë geweldjîge Swartbrooker Boôntje Aovundje op te veure!
Noewsjierig, komtj gerösj kieke in oôs Spoeëketheater!!!
Ut B.A.C. besteît oet,
Chantal Korten, Elly Smolenaers, Anja van Geneijgen, Stefan Kessels en Henrie van Geneijgen.
