Anger aktiviteite
OOPENING VASTELAOVUNDJSSEIZOEN
Zaoterdig 16 november 2024
Door V.V. De Rogstaekers is op zaoterdig 16 november un officiële oopening van ut vastelaovundjsseizoen georganiseerdj veur alle zustervereinigingen in de omgeving Wieërt.
Verschillendje vereiniging kwaome saame beej diverse cafés in Wieërt. Onger begeleiding van hun kêpel trokke de vereinigingen door de stad, om vervolges saame te koome op 't Raphaelpad. Om 14.11 oor is dao door de vorsten of veurzitters van de zustervereinigingen saame ‘t vastelaovendjveûr aangestooke.
Anger aktiviteite
Oppe zök nao hoeës fieëst
14-01-2024
Mét un bus bekans vol is un deil van de vereiniging op zaoterdig 14 jannewarie nao de Bosuil gereeje. Dao heel V.V. de Hêldje op Zök weer hun befaamdje 'Oppe zök nao hoeës fieëst'!
Det ut unne geslaagdje aovundj is gewoore kinne wae bevestige. Mét optraejes van o.a. Ed en Frans, John Tana en Moerepetazie is good mit gezonge, gedansj en 'gepolonaisj'.
Dees en anger vrolike deuntjes zeen in de busrit teruk ouch nog vrolik mitgezonge, woeëmét det unne sjoeëne aovundj good waas aafgesloote.
Buuttekampioenschap
12-01-2024
Swartbrook steit weer oppe kaart, oftewaal Henrie van Geneijgen steit in de finale van ut Limburgs Buuttekampioensjap!
Op 15 november stong Henrie in de halve finale. Mit zien buut "De oaje blauwe" zat Henrie un sjoeën verhaal nieër euver zien 'ervaaringe' as politieagent door hieël Limburg. Mit un hoeëg tempo aan grappe haaj Henrie de lachers op zien handj. Dit heeftj hum un dik verdeendje plek in de finale bezurgdj.
De finale heeft plaatsgevonge op 12 jannewarie 2024 in de Oranjerie in Remunj. Ouch deze aovundj sloog de buut good aan beej ut publiek. Het leeverdje Henrie helaas gein plek inne top 3 op.
Henrie, wae zeen trots op dich! En veur os bliefse altiêd de gouwe aoje blauwe!
Opening seizoen
11-11-2023
De vastelaovundj is weer begonne!
In café Bi-j Sanne waerdje ut seizoen 2023-2024 geoopendj mit un gezellige fieëstaovundj veur alle leeje en vrijwilligers van V.V. de Spoeëkejaegers.
De crème de la crème onger de artieste kwaom deze aovundj langs om ut seizoen spetterendj te oopene! Eederein sjoeënkelde mit Beppie Kraft, genoôt van de prachtige Marleen Rutten, zong mit Bjorn en Mieke, dansje de sirtaki mit Demis Roussos en zweidje mit beej John Tana.
Mit deze aovundj is ut vastelaovundjsseizoen good geoopendj!
Vastelaovundjsmêrktj
29-10-2023
Zunjig 29 oktober hebbe wae veur ut ieërst names V.V. de Spoeëkejaegers un vastelaovundjsmêrktj gehaoje.
Wae zeen bleij om te kinne zigge det dit un succes is gewoore, good bezochtj en good verkochtj. De sfeer waas top, dankzij de goodgevuldje kraampjes van ozze dörpsgenoote en de kleurrijke taofels woeë op bedrieven sjmink en accessoires verkochte.
Wae danken de minse die un bezoekje hebbe gebrachtj aan ozze mêrktj!
Auch un dankjewel aan 'T Knómmelieërke, Feest Garage, PowerFlower kransen, C&L Bling en V.V. de Hêldje op Zök die vul sjoeëne spulle te kaup aan hebben gebooje.
Op nao de vastelaovundj!
De allerieërst editie van 'Buut, Spijs en Vertier' heet plaatsgevonje in Swartbrook. In ut café Bî-j Sanne waerdje de bezeukers ontvange met un drankje, woeënao ze nao hun taofel in ut MFA Corneel zeen begeleidj.
In dit biezunjere evenement stong humor en gezelligheid centraal! Mer leefst 5 buuttereedners hebbe ut publiek good vermaaktj met hun sjerpe grappe en ludieke veurdrachten. Dank aan Berry Knapen, Conny Bruijnaers, Fer Naus, Ger Frenken en Maurice Timmermans. Heejnaeve waerdje dit buutte-gala aafgetraptj door un geweldjige un surprise-act, van ozze eigen jongste buuttereedner oet Swartbrook; Jamie Ogier.
Tieëdes dit evenement haaje alle bezeukers de meugelikheid om as ieërste ut nowe spoeëkepilsje te preuve. Dit spoeëkepils is speciaal veur het 5x11 jubileumjaor gebrouwe. Uiteraard kos er ouch gekooze waere veur wiên of frisdrank. In de pauze waerdje unne luxe borrelplank geserveerdj, vol met heerlike hapjes om ut buutte-gala compleet te maake.
Ut moog gezagdj waere det deze ieëste editie van de Buut, Spijs en Vertier is geslaagdj! De bezeukers ginge nao hoeës met de boeëk good gevuldj met lache, aete en dreenke.
BUUT, SPIJS EN VERTIER
Zaoterdig 16 november en zunjig 17 november 2024
