Anger aktiviteite
In 2026 besteit ozze Spoeëkejaegerskapel 5x11 jaor!
En det laote wae nateurlik neet ongemerktj veurbeejgaon. Om dit biezunjere jubileum te veere, organiseere wae op vriedig 6 fiberwarie 2026 ein groeët Kapellefestival.
Waat kinse verwachte:
- Optreijens van versjillendje kapelle oet de regio.
- Un speciaal gastoptreije van neemes minder dan Spik & Span.
- De rest vanne aovundj vol met muziek, drankjes, hapjes en gezelligheid.
Eederein is welkom op os gezellige fieëstje; lid van de kapel, lid van un vereiniging, leefhebber vanne vastelaovundj en kapellemuziek. Zet de datum alvast inne agenda!!
Wae hoope saame met zoeë vul meugelik vastelaovundjsvrinj os 5x11 jaorig jubileum te kinne veer.
KAPELLEFESTIVAL 5X11
Vriedig 6 fibberwarie 2026
Vriedig 28 november en zaoterdig 29 november 2025
BUUT, SPIJS EN VERTIER
Op vriedig 28 en zaoterdig 29 november waas eederein weer oetgenuudigj veur ut Buut, Spijs & Vertier. Het woore twiee aovundje vol vastelaovundj-sfeer. In ut MFA de Corneel waerdj de bezeukers werm ontvange met un welkomstdrankje, woeënao ze nao hun taofel zeen begeleidj.
De buuttereedners zörgdje gedeurendje de aovundj veur un flinke dosis humor en gezelligheid. Dank aan Berry Knapen, Erik Mulder, Erik Reck, Fer Naus en Joep de Wildt. Ozze eigen jongste buuttereedner Jamie Ogier, oet Swartbrook, mocht auch dit jaor ut buutte-gala weer aaftrappe.
De presentatie van de aovundj loog dit jaor in henj van Aniek van Bommel, die ut stokje fenomenaal heeft euvergedraage van heur vader (dae de aovundj veurig jaor heeft gepresenteerdj).
Tussendoor kos ut plubliek genoote van un goodgevuldje borrel- en tapasplank, inclusief 3 consumptiebonnen.
Alle bezeukers ginge nao hoeës met de boeëk good gevuldj met lache, aete en dreenke.
(Kiektj beej "FOTO'S"veur nog mieër sfeerbeeldje van deeze aovundj).
Anger aktiviteite
Buuttekampioensjap
10-01-2025
In un oetverkochtj Theaterhotel de Oranjerie trooje vriedigaovundj 10 jannewarie zeeve buutteredners op, in de finale van ut Groeët Limburgs Buuttekampioensjap.
Met haar buut "Conny van de camping" vergaardje Helga Cornelissen uit Oostrum de 1e plek.
Mer ozze eigen Henrie van Geneijgen heeft Swartbrook ouch weer geweldjig good oppe kaart gezatte! Met ziene buut "De naturist" heeft Henrie unne dik verdeendje 3e plek behaaldj. De Spoeëkejaegers zeen enorm trots op Henrie.
Bekiek heej de saamevatting van ut kampioensjap.
Buut, Spijs en Vertier
16-11-2024 & 17-11-2024
De allerieërst editie van 'Buut, Spijs en Vertier' heet plaatsgevonje in Swartbrook.
Mer leefst 5 buuttereedners hebbe ut publiek good vermaaktj met hun sjerpe grappe en ludieke veurdrachten. Dank aan Berry Knapen, Conny Bruijnaers, Fer Naus, Ger Frenken en Maurice Timmermans. Heejnaeve waerdje dit buutte-gala aafgetraptj door un geweldjige un surprise-act, van ozze eigen jongste buuttereedner oet Swartbrook; Jamie Ogier. Alles waerdje gepresenteerdj door Johan van Bommel.
Tieëdes dit evenement haaje alle bezeukers de meugelikheid om as ieërste ut nowe 5x11 spoeëkepilsje te preuve. In de pauze waerdje unne luxe borrelplank geserveerdj, vol met heerlike hapjes om ut buutte-gala compleet te maake.
Ut moog gezagdj waere det deze ieëste editie van de Buut, Spijs en Vertier is geslaagdj!
Oopening seizoen
16-11-2024
Door V.V. De Rogstaekers is op zaoterdig 16 november un officiële oopening van ut vastelaovundjsseizoen georganiseerdj veur alle zustervereinigingen in de omgeving Wieërt.
Verschillendje vereiniging kwaome saame beej diverse cafés in Wieërt. Onger begeleiding van hun kêpel trokke de vereinigingen door de stad, om vervolges saame te koome op 't Raphaelpad.
Om 14.11 oor is dao door de vorsten of veurzitters van de zustervereinigingen saame ‘t vastelaovendjveûr aangestooke.
Oppe zök nao hoeës fieëst
14-01-2024
Mét un bus bekans vol is un deil van de vereiniging op zaoterdig 14 jannewarie nao de Bosuil gereeje. Dao heel V.V. de Hêldje op Zök weer hun befaamdje 'Oppe zök nao hoeës fieëst'!
Det ut unne geslaagdje aovundj is gewoore kinne wae bevestige. Mét optraejes van o.a. Ed en Frans, John Tana en Moerepetazie is good mit gezonge, gedansj en 'gepolonaisj'.
Dees en anger vrolike deuntjes zeen in de busrit teruk ouch nog vrolik mitgezonge, woeëmét det unne sjoeëne aovundj good waas aafgesloote.
Buuttekampioensjap
12-01-2024
Swartbrook steit weer oppe kaart, oftewaal Henrie van Geneijgen steit in de finale van ut Limburgs Buuttekampioensjap!
Op 15 november stong Henrie in de halve finale. Mit zien buut "De oaje blauwe" zat Henrie un sjoeën verhaal nieër euver zien 'ervaaringe' as politieagent door hieël Limburg. Mit un hoeëg tempo aan grappe haaj Henrie de lachers op zien handj. Dit heeftj hum un dik verdeendje plek in de finale bezurgdj.
De finale heeft plaatsgevonge op 12 jannewarie 2024 in de Oranjerie in Remunj. Ouch deze aovundj sloog de buut good aan beej ut publiek. Het leeverdje Henrie helaas gein plek inne top 3 op.
Henrie, wae zeen trots op dich! En veur os bliefse altiêd de gouwe aoje blauwe!
Opening seizoen
11-11-2023
De vastelaovundj is weer begonne!
In café Bi-j Sanne waerdje ut seizoen 2023-2024 geoopendj mit un gezellige fieëstaovundj veur alle leeje en vrijwilligers van V.V. de Spoeëkejaegers.
De crème de la crème onger de artieste kwaom deze aovundj langs om ut seizoen spetterendj te oopene! Eederein sjoeënkelde mit Beppie Kraft, genoôt van de prachtige Marleen Rutten, zong mit Bjorn en Mieke, dansje de sirtaki mit Demis Roussos en zweidje mit beej John Tana.
Mit deze aovundj is ut vastelaovundjsseizoen good geoopendj!
Vastelaovundjsmêrktj
29-10-2023
Zunjig 29 oktober hebbe wae veur ut ieërst names V.V. de Spoeëkejaegers un vastelaovundjsmêrktj gehaoje.
Wae zeen bleij om te kinne zigge det dit un succes is gewoore, good bezochtj en good verkochtj. De sfeer waas top, dankzij de goodgevuldje kraampjes van ozze dörpsgenoote en de kleurrijke taofels woeë op bedrieven sjmink en accessoires verkochte.
Wae danken de minse die un bezoekje hebbe gebrachtj aan ozze mêrktj!
Auch un dankjewel aan 'T Knómmelieërke, Feest Garage, PowerFlower kransen, C&L Bling en V.V. de Hêldje op Zök die vul sjoeëne spulle te kaup aan hebben gebooje.
Op nao de vastelaovundj!
