Monument "ut Spoeëk" van Swartbrook
Info euver ut monument:
Ut bieëldj is ontworpe en gemaaktj door kunstenares Saskia Keijzers, oet os eige Swartbrook.
Ut is ein bronze bieëldj en stêltj ut "spoeëk van Swartbrook" veur, waat neteurlik te make heet mét de naam van ozze vastelaovundjsvereiniging De Spoeëkejaegers.
De vereiniging haaj de wins om un eige monument te hebbe, om beej det monument elk jaor de vastelaovundj te kinne opene en ouch weer te kinne aafsloête, naodet ut spoeëk trök "De Krang" (ut bos) in is gejaagdj.
De sokkel veur ut drage van ut bieëldj is gemaaktj door Henk Moonen, de vrîndj van Saskia, same met înkele lede van de vereiniging.
Ut monument is mede tot standj gekoome door sponsoring van Nering Bögel, te Wieërt. Woeëveur hertelik dank.
Ut monument steit op ut Cornelisplein aan de Ittervoorterweeg in Swartbrook, in de buurt van de St. Corneliuskerk en aan de randj van ut Krangerbos.
Onthulling van ut monument:
Op vastelaovundj-zunjig 27 fibberwarie heet op un zonnige daag de onthulling van ut monument "ut spoeëk" van ozze vastelaovundjsvereiniging De Spoeëkejaegers op ut Cornelisplein plaatsgevonge.
De onthulling begos mit un inleidendje toespraak van veurzitter Ger Smolenaers. Beej de onthulling waas ouch burgemeister Vlecken van de gemeindje Wieërt aanwezig. Onger toezeendj aug van vul spoeëkejaegers versjeen d'r plotseling un zwart spoeëk. Dit spoeëk vertiltje un sjoeën verhaal euver spoeëken en ut ontstaon van ut monument. Heejnao onthuldje ut spoeëk, in feite, zien eige monument: "ut spoeëk van Swartbrook". Ut waas de sponsor van ut monument, directeur R. Janssen van Nering Bögel, dae zich haaj verkleîtj as dit spoeëk.
Zoeë is ut beeldj gemaaktj:
