Spoeëkejaegerskapel
Al sinds 1971, ein jaor nao de oprichting van de Spoeëkejaegers, is ouch ozze eigen boôrekapel onderdeil van de vereiniging. En dao zeen wae trots op!
Vanaaf dit jaor (2024) is de kapel ouch weer in un now jeske gestooke! Wae zeen bleej mèt deze now outfits.
Ein jaor nao de oprichting vanne spoeëkejaegers, waerdje in 1971 de Spoeëkejaegers Kapel opgerichtj. Fred van der Fieëste waas degene dae de ieërste groeëte donatie deej veur ut aansjaffe van meziek instrumente. Mer auch waerdje dur unne ‘Knalaovundj' georganiseerdj, veur gèt mieer geldj biej ein te doôn. De leîding waas inne henj van Harrie Evers en dae waerdje in 1978 opgevolgdj door Ton Coumans, dae waas toen auch leîder vanne Zweeloeëre kapel oet luuëke.
Toch kreeg de kapel ut zwaor, want in 1981 waas de kapel op stêrreve nao doeët. Walt Knippenberg en Mart Derckx zóchte eemes dae de kapel letterlik en figuurlik noew laeve in woeëj blaoze. Oeteindelik nóm Piet van Aarle in 1981 de leîding euver, Piet haaj neet alleîn de leîding euver de kapel mèr verzörgdje auch de repetities en de meziek lesse. Unne groep minse mit geîn of wejnig muuziekale ervaring, veuldje zich geroope um de kapel koome te hellepe en oeteindelik és de kapel gewoore tot waat ze noew és. Auch hebbe wae un periode saame gewêrrektj mit de kapel Klînk-Klaor oet Laor en deindânger gehôllepe.
De létste jaore goôf Piet de leîding euver aan Marcel Laveaux, mèr dèt numtj neet weg dèt Piet noch steeds de repetities enne meziek lesse met groeëte inzet en ethousiasme verzörgdje.
Vanaaf 2011, naodet Piet dit 30 jaor heet gedaon, zûrrege noôw Jolanda Meuwissen en Ralf Smeets vur de meziek, ut dirigeere en hebbe ze de leiding euver de Kapel.
Op dit moment besteît de Boôrekepel oet 21 speûlendje lede en noch gèt neet speûlendje lede. De kapel és un ôngerdeîl vanne Spoeëkejaegers en de kapel lede zeen dus auch lid vanne Spoeëkejaegers, ut enige versjil és dèt ze meziek maake en gèt mieër dreenke. Ut streeve vanne kepel és um op un plezeerige, mèr eavegoot op un muuziekaal verantjwoordje meneer de aktiviteite vanne Spoeëkejaegers enne Swartbrooker vastelaovundj op te loestere. De saamhorigheid és groeët binne de kapel, getuuge ës de lânge en troewe staot van deenst van de meîste lede. èr aaf en toew nûmtj de kapel deîl aan un festival of trekke ze der op oet en verzörge ze un gast optraeje beej: - Hoêskapel tijens de Vlaamse kêrremes kinjervekânsiewêrrek; - Kapelle Festival in Beûl; - Hâllefvaste in Maaseik; - Versjillendje jaore Hoêskapel tijens op ut straotfestival in Dongen; - Tiroleraovundj in Zêumere; - Eîge kappele festival beej Kefee de Smeed in 1994; - Kappelle Festival in ut d' Intj; - Kappele festival in Laor; - Hoêskapel op de Oetrooping vanne Kestieëlhieër vanne BeesterBöl in 1997; - Hoêskapel op ut Doôrbieters toernooi 1999; - Kappele festival in St. Oederode; - Kappelefestival vanne Herrieschuppers Bosseve; - Oetstèpke nao Pruûses 2003; - En neet te vergaete...in 2001 wonne wae ut Zaate-Hermeniekes festival in Ospel.
DecibEll
De kapel waas d'r weer beej!! De 6e editie van ut jaorlikse kapellefestival DecibEll, georganiseerdj door De Koalderbend oet Ell, heeft plaatsgevonge op vriêdig 19 jannewarie.
As aafsloeter veur de pauze waore wae aan de beurt om un 6-tal leedjes ten gehuure te bringe. Un per aoje bekindje nummers, mer ouch 3 gloednowe leedjes hebbe wae gespeuldj. En, gein valse noeët te bekinne! Loesterdj heejonger mer nao de filmkes.
Helaas woore we neet volledig compleet. Ouch ozze einige echte tuba-speuler waas d'r neet beej, mer gelukkig sprong Fer, vanne Koalderbend, beej os in.
De zaal deej ouch good mét, de polonais waerdje ingezatte. Of ut nog unne gezellige aovundj waas... kiektj dan mer gauw ut leste filmke.
In aanloup nao de start van ut vastelaovundjsseizoen 2023 heet beerbrouwereej "Brand Bier" 11 kieër un bedraag van €1.111,11 klaorligge veur vastelaovundjsvereiniginge die un origineel filmke insteure.
Eedere vastelaovundjsgroep moog van de brouwereej métdaon, deenk aan waagebouwersgroepe, loupgroepe, zaate hermeniekes, joekskepêlle, kloonekloebs, stamtaofels of cafévereiniginge... as de groep mer volop vastelaovundj veertj.
Brand Bier vroog om ein filmke te maake woeë in zoeëwaal ut vastelaovundjsgeveul van dien vereiniging as van Brand Bier good nao veure keumtj. De 11 origineelste inzendinge waere beloeëndj mét elk ein bedraag van €1.111,11 veur hun vastelaovundjsvereiniging of -groep. De jury besteit oet zangeres Beppie Kraft, muzikânt en leedjesmaaker Bart Storcken en publicist Bert Salden.
Wae haaje os filmke ingesteurdj en al snel kreege wae ein reaksie teruk. De jury haaj alle ingezonje filmkes bekeeke en ze nuuedigdje os oet om nao de priesoetreikingsaovundj te koome. Dees waerdje gehaoje in de Brand beerbrouwereej in Wijlre. Beppie reep de gewonne vereiniging nao veure om de pries op te haale en ein foto te maake. Ein geslaagdje aovundj mét meziek (van o.a. Beppie), drank (nateurlik Brand beer) en vul gezelligheid!
Dit is ozze inzending heej onger:
Spoeëkejaegerskapel wintj €1.111,11
De ieërste BoôreKapel Mèr van ein feit zeen wae Spoeëkejaegers ós van bewüsj.......en det és.... De Raod van Ellef és niks zônger de Kapel, mer de Kapel és niks zônger de Raod van Ellef. De repetities beginne nao Wieërt kêrremes en gaon door tot de deênsdig veur Vastelaovundj en vinge plaats repetities woore altieëd biej de Corneel. Vreuger waere diej behaoje biej Broer van Dirké in Kefee de Meûle.
