Jeugd vastelaovundj aovundj 2026
13 fibberwarie
Ouch dit jaor vinge wae ut weer belangriêk om unne eige fieëstaovundj aan te beeje aan de Spoeëkejaegerkes van Swartbrook. Deze aovundj zitj vol met muziek, dans en spelletjes. Dit jaor heet deze aovundj ein Boôre tintje! De beste alleskunners van deze aovundj gaon namelik troûwe. Missjien kinne jullie nog waal os jeugdboôrebroeloften van ein paar jaor geleeje? Deze aovendj liektj dao op, allein is noow neet veuraaf bekindj weem de leden van de boôrefêmilie zulle waere. Dit hebbe de kinjer namelik zellef inne handj! De winnaars van ozze alleskunner-spellen zullen als broêdspaar en getuûge bekroeëntj waere tot boôrefêmilie van 2024!
Dit zal plaats veenge op:
Vriêdig 9 fibberwaarie 2024 om 19:00u in ’t Spoeëkepelieês.
Alle jeugd tot 16 jaor is welkom
Wae hebbe als thema dit jaor: Aod-Zwart
Ut zooj leuk zeen as alle jeugd (en anger bezeukers) verkledj keumtj in dit thema. Dit beteikendj boôrebroeloft stijl en boôrekiel. Missjien zeen dit waal de kleijer die se als broêd, broêdegom of getuûge zuls draage!
D’r zulle 2 zaaldeile geopendj zeen deze aovundj. Dus alle papa’s, mama’s, broertjes, zusjes, opa’s en oma’s zeen welkom. De organisatie heet van 19:00u tot 22:30u toezicht op de jeugd. De zaal geit daonao nog neet drek dicht, mer vanaf dan is de verantwoordelikheid waal aan de aojers zelf.
Wae hoope op zoeëvöl meugelik opkomst! Dan maake we d’r saame eine kei gezellige fieëstaovundj van!
Extra info:
- Muziek door dj Joeri!
- Koste zeen veur eige raekening. In de zaal waerdj betaaldj met munten, deze zeen te kaup in ‘t café.
Beej vraoge kintj gae altieëd terecht beej os kemmissie.
Groetjes vanne Jeugd Vastelaovundj Aovundj Kemmissie,
Aniek van Bommel, Tom Heijmans, Janneke Jacobs, Djordi Braam, Kim Gielen en Joeri Gielen.
Zet 13 fibberwarie alvas in de agenda veur ozze jeugdaovundj! Mieër informatie euver de invulling volgtj snel!
Jeugdvastelaovundj-aovundj door de jaore haer
Tot un aantal jaor geleeje haaj ozze jeugdvastelaovundj-aovundj un hieël biezunjere invulling: de jeugdboôrebroêloft!
Tiedes deeze aovundj stapdje twieë kinjer oet groep 8 in ut huweliksbootje as boôrebroêdspaar. De trouwerij waas compleet met ouch twieë getuigen die zörgdje veur de ringe, en oeteraard mochte de 'aojers' van ut broêdspaar neet ontbraeke. Zie woore allemaol ongerdeil van deze fieëstelike trouwerij!
De oetrooping van ut boôrebroêdspaar, de getuigen en de aojers gebeurdje altied op un ludieke manier; soms met un grappig spel, soms met un filmke, waat altied zörgdje veur vul spanning en enthousiasme in de zaal.
Nao de oetrooping ging eederein zich snel omkleije, veur un sjoeëne ceremonie. Deze waerdje aafgesloote met unne polonaise met ut pas getrouwdje stel veurop, en toen barstje ut huweliksfieëst los. Det woore altied gezellige aovundje!
De letste jaore hebbe we de broêloft met ut boôretintje wat mieër losgelaote. In plaats daovan zörge wae op un anger manier steeds veur un groeët fieëst! Deenk aan un aovundj vol spelletjes, danse, muziek, vul snoep en cola... kortom: volop vastelaovundjs-plezeer!
Ein deenk is altied utzelfdje gebleeve: ut waerdj gegarandeerdj un fieëstelike aovundj veur alle jeugd!
Jeugdboôrebroêloft gallereej
Heej onger alle jeugdboôrebroêdspaare van V.V. De Spoeëkejaegers
