Jeugdprinsepaar 2026
JEUGDPRINS Dex Duisings
&
JEUGDPRINSES Sanne Kessels
Dex Duisings en Sanne Kessels zijn uitgeroepen tot jeugdprinsenpaar van V.V. De Spoeëkejaegers in Swartbroek. Jeugdprins Dex is 9 jaar en Jeugdprinses Sanne is 11 jaar. Beide zitten in groep 8. Sanne op de basisschool Swartbroek bij juf Ilse en juf Marian en Dex op de Montessorischool Weert bij meester Hans.
Op school wordt er veel geleerd. Dex zijn favorieten vakken zijn rekenen en topografie. Sanne houdt ook van rekenen en handvaardigheid. Maar vooral kletsen met hun vrienden en vriendinnen is wat ze het liefste doen. Ook samen buiten spelen in het dorp gebeurt met enige regelmaat.
Sanne danst er op los op zaterdag bij De dancing kids en Dex staat als middenvelder elke zaterdagochtend op het voetbalveld bij FC Oda JO-11 2.
Gelukkig speelt de trainer van Dex wel in Swartbroek bij RKSVV.
Vaak treffen de prins en prinses elkaar bij de frietker op donderdagavond. Frietjes eten is naast sushi een favoriet. Maar wat ze beide heel vaak doen is tekenen. Vooral creatief bezig zijn. Dit in combinatie met het voetballen van Dex hebben ze de orde van ‘t geteikendj belke.
Het devies luidt dan ook: Mèt de bâl en ‘t potloeët veurop, zètte wae uit Spoeëkelandj oppe kop. ALAAF!!!
Proklamatie van Jeugdprins Dex en Jeugdprinses Sanne 2026
Samen: Wae, jeugdprins Dex en jeugdprinses Sanne, regeere bee-j de gratie van alle groeëte en klein wichter van Swartbrook
Dex: Ich woeën op de Eutropiastraot tegeneuver ut voetbalveldj. Dao haoj ich toezicht op ut voetballe. Mèr van die veterane weurs ze ouch neet völ wiêzer!
Sanne: Ich woeën op ut Cornelisplein naeve ut Spoeëkebieëldj. Wie-j ich lest nao boete leep, schrok ich mich kepot van ut Spoeëk, mer gelukkig waas ut os pap!
Samen: Doon uch wete det:
Dex: Ich haard op weeg bin om de groeëtste zoon te waere van Jos van Vogelaar Hub dae altiêt fit is en van de ouch altiêt fitte Anny van de gedrildje kerstpudding en van Wendy van Peter dae der nog waal es naeve bleustj en van Cisca van de gedrogeerdje vleeger .
Sanne: Ich de aodste en creatiefste dochter bin van Stefan van Harrie van Pietje van de Kanteneer en van Annie neet van de berg mer van de Heuvel en Cindy van Jan van Tjeu van Bos Sjengske en Nettie van de baarse koel oet Ell.
Dex: Ich heb ein zösterke Liv die zich gaer opmaaktj, mer ich zèg altiêt; “Maak dich e-weg”!
Sanne: Ich heb ouch ein zösterke Floor, die mich nogal ins oppe kast kriegtj. En dan mot os Pap mich der ’s aoves weer van hale!
Dex: Euver unne kast gesproke, det deut mich dinke aan os pap en mien opa die allebei van houtbewerking haoje. Os pap zeet altiêt as der op stap is gewaestj ´Dju, ich heb unne houte kop“
Sanne: Ich knutsel leever met hout. Mer ouch met anger materiaol zoeë-as verf, pepeer, stein en klei. Dao maak ich dan prachtige creaties van.
Dex: Laot mich mer boete door de klei fietse en banjere, det doon ich ut leefste. Mer ich bin ouch gek op siêfers en ich schaak gaer. Ich zet de juf nogal ins schaakmat, want ze zegge det ich un pienter menke bin.
Sanne: Nouw, nouw, dan mos ze ins met os pap kalle. Dae is ouch gek van siêfers. Als ich neet loester of kattekwaod oethaal dan zeet der altiêt; “En now 1-2-3 nao bed!”
Dex: Ich doon ouch gaer spellekes. Ich bin unne kei in Memory. Mer wie ich mien klei-jer aan mot doon, det bin ich dek vergaete! Dan drei-j ich ze nogal-ins om. Lest haaj ich unne trui aan mien bein en un boks euver miene kop!
Sanne: Dao heb ich noeëts meute met! Ich weit precies wat ich aan wil doon. En ouch mien haor zitj altiêt goôd. Misjien waer ich later waal kapster! Of ballet danseres, want danse doon ich ouch gaer bee-j juf Aniek.
Dex: Danse is niks veur mich. Te groeëte passe van die maegdjes! Ich wil later gaer profvoetballer of architect waere. Mer det is eigeluk ut zelfdje, want Ronald Koeman zeet altiêt det der nog aan ut elftal mot bouwe!
Sanne: Nouw, Ich bouw leever un tent op camping de Leistert. Dao kan ich dan met mien vriendinne lekker lang opblieve en laat nao bed gaon. En natuurlik ouch get streek oethale woeë pap en mam dan niks vanaâf moge wete.
Dex: Ich kampeer neet, mer opa en oma die gaon waal met de camper nao internationale vleegerfieëste. Ich deenk det os Mam dao die opvleegers van heet, mer ich heb ze nog noeëts op zeen stijge!
Sanne: Zèk Dex, dich mos nog flink gruûje, dichs zuls waal völ zwaore kost kriege bee-j uch thoeës? Hèrste, gebakke eier, kerboôt, braodworst, zoor moos en van det gerei!
Dex: Bahhh, kal mich der neet van. Dao drei-jt miene maag zich van om. Gaef mich mer Japans aete. Sushi det is pas lekker.
Sanne: Dét keumtj good oet! Ich haoj ouch hieël völ van Sushi. Dan kinne wae samen met stekke aete!
Dex: Met stekke aete! Haoj es op. Ich bin geine Chinees. Mer ut deut mich waal goôd det wae toch iets gemein hebbe.
Sanne: Jao, zèk det waal. Mer nóg sjoeëner is ut det wae same veurop moge gaon bee-j de Spoeëkejaegers, dao heb ich hieël völ zin in !
Dex: Nouw, ich angers ouch! Mér Sanne, dan mos dich mer veurop gaon, want angers laup ich mich vast in de polonaise.
Samen: Nae, wae gaon sáme veurop en hebbe de orde ingesteldj van “Ut geteikendj belke” en det alles onger os devies,
“Mèt de bâl en ’t potloeët veurop, zètte wae ut Spoeëkelandj oppe kop!”
ALAAF !
DE OETROOPING:
Op vriedig 14 november opendje de jeugd ut vastelaovundjsseizoen. De looting van ut jeugdprinsepaar heeft plaatsgevonje, en det ging as volgtj. Middels waat vraoge aan alle jeugd bleef oeteindelik de jeugdraod van dit seizoen euver oppe buhne; die alvast un aanmoedigendj applaus kreege veur hun inzet komendj seizoen.
Vervolgens ginge we verder met de meide van groep 8, die ginge dobbelen. Sanne mocht as ieërste un spoeëk/ballon oetkeeze, daonao Catoo. Toen beide dames geliektiedig ut breefke open maakdje, kwaom Sanne nao veure as de nowe jeugdprinses!
Sanne mocht vervolges de zaal in om 'heure' prins te gaon zeuke. Dit bleek Dex te zeen!
Daonao waerdje ze op ut podium in vol ornaat gebrachtj. Dex geholpe door zusje Liv en Sanne door vriendin Catoo. En dao stonge ze dan:
Jeugdprins Dex en Jeugdprinses Sanne!
PROFICIAT!
Daonao waerdj d'r metein un fieëstje gebouwdj. Onger muziek vanne kapel ging ut kersverse jeugdprinsepaar veurop in polonaise!
