top of page
Spookjes_schermvullend_c.jpg

Boôrebroêloft 2025
1 maart

Joost Wanders & Kim Gielen

Zaoterdig 11 jannewarie op ut Prinsebal is ut boôrebroedspaar en ut voltallige boôregezelsjap aan ut publiek veurgesteldj:

Ozze boôrebroêd dit jaor is Kim Gielen (woeënendje oppe Kapellestraot), en de boôrebroêdegom is Joost Wanders (woeënendje aan de Ittervoorterweeg).

De aojers van de boôrebroêd zeen Patrick en Ellen Smeets (woeënendje aan de Coolenstraot).

Heur getuûge is Aniek van Bommel (woeënendje aan de Coolenstraot).

De aojers van de boôrebroêdegom zeen Peter Heijnen en Jolanda Dauphin (woeënendje aan de Coolenstraot).

Zien getuûge is Gerrit Kemper (woeënendje Beej Polderte).

Wae veere de boôrebroêloft op vastelaovundjszaoterdig 1 mieërt in MFA Corneel.

Wae beginne met un boôrebuffet. Inlaup is tusse 18.30 oor - 19.00 oor. Rondj 19.15 oor volgtj un openingswoord door ozze Hoeëgheid Prins Danny. Daonao is ut boôrebuffet geopendj, veur degene deej zich hebbe opgegaeve.

Ouch dit jaor kintj gae weer aan ut boôrebuffet deilneeme. Gae motj uch heej waal veur opgaeve; dit kan tot en mèt zunjig 23 fibberwarie (met de Prinsereceptie) beej Sanne Jacobs of via de mail bi-jsanne@hotmail.com. Ut boôrebuffet is teege betaling van €7,50, ouch te betaale t/m 23 fibberwarie. 

Nao ut gezamenlike aete zal de "ongertrouw" plaatsvinge. Dit gebeurdj rondj 20.11 oor.

 

De meziek deeze aovundj waertj verzörrregtj door os eige Spoeëkejaegerskapel en de bend "Davinci". Vanaaf 20.30 oor zetj de bend de ieërste nummers in. 

 

In de pauze van de bend zal dan de "kerkelikke inzaegening" plaatsvinge. 

 

Daonao volgtj nateurlik nog de receptie veur ut boôrebroêdspaar en gezelsjap. 

 

Ut waerdj ein groeët fieëst! Gae zeetj d'r toch ouch beej?!

Afbeelding van WhatsApp op 2025-01-12 om 20.00.51_fc2c4bee.jpg

Kiektj heej ut volledige filmpke van de verlooving!

Boôrebroêloft gallereej

Heej onger alle boôrebroêdspaare van V.V. De Spoeëkejaegers

Boôrebroêloft-kemissie

De Boôrebroêloft-kemissie besteit oet Carla Mertens, Maria Steijvers, Johan Bongers en Mark Weijers.

Tot 2024 zeurgdje Laura Coolen en Lars Beerens veur de sketches op de aovundj zelf. Wae wille hun ontzettendj bedanke veur hun inzet de aafgelaupe jaore! Vanaaf 2025 hebbe Sandra Baens en Eefke Vaes ut stekske euvergenoome.

Vreuger

Sinds 1987 weurtj dur un Boôrebroêloft gehao-je in Swartbrook. Ut begintj in 1986. De veteraane van voetbalclub R.K.S.V.V krieëge un idee tiedes de derdje helft van eine wedstrieëd inne kantien. Ze ginge inne optocht mètlaupe as ein groete Boôrebroêloftfemilie. De vroulluuj, de wichter en de veteraane zelf saame zoeë'n 40 man.

Nao 3 jaor ging Mies allein verder. Hae zukt-j de hieël femilie beej- ein zoonger det deej ut van elkaar weete. De spekulaties zeen tot op de daag van vandaag giganties. Weem waere ut?!

Broer van de Berk (kastelein van keffee de Smeed) is de pastoeër dae in de beginjaore de broeedspaare in de onecht verbingt-j. Beej gestaon door geistelikke, mèsdeenaars en unne haup flawwekul.

In 2000 kriegtj Mies hulp van Maurice Derckx (van Sjaac van Luuk). Mies geuftj noa 13 jaor de regie oet hang aan de jongere generatie. Maurice Derckx Roger Evers (zoon van Mies vanne Köster) Patrick Smeets (van Bairte Henk). De opzet verangertj. Door de sketches van Henri v. Geneygen, Bert Steyvers, Wim Meeuwissen (van Jeûke Sjaac), Johan van Bommel en de organisatie zelluf, zeen de Boôrebroêlofte eeder jaor weer um van te geneete. Vanaaf 2006 es Maurice vervange door Roger Keulen.

Vanaaf 2013 bestieët de Boôrebroêloft-commissie oet Carla Mertens, Maria Steijvers, Johan Bongers en Mark Weijers. Sinds dae tiêd hebbe versjillendje minse de sketches op dae aovundj verzörgdj, namelik: Sven Merkens (t/m 2017), Cindy Kessels (t/m 2016), Ilona Douven, Laura Coolen (t/m 2024) en Lars Beerens (t/m 2024).

bottom of page